網紅的藏寶箱琴晚發生咗啲事
(brief translations provided for convenience)
由於要嘢拍, 而我份人又孤寒又求其又盛所以冇三腳架, 唯有將電話擺喺張凳上. 而我, 係坐喺距離張凳唔夠一米嘅床度
九秒九終於拍完, 諗住收返部電話...
我用雙手...REPEAT...係雙手搦起佢. 然後...時間...仿佛停頓了. 魂魄...亦唔齊了. 因為我見到電話向右傾. *自己cue慢鏡頭and電影 <寄生蟲>配樂* 電話就好似跳樓機咁, 一嘢中咗落地. 我呆咗兩秒半, 心裡鬧咗幾吓粗口 (想知鬧乜pm我大家可以詳細研究)...然後就慢慢執返起部「已經包紮咗好多層貼紙免得佢裂開」嘅電話. 見到地上有少許碎片. 電話面層條裂痕長咗幾公里咁 (心裡再鬧咗幾吓粗口)
好彩!! 仲認到我嗰樣unlock到. 飲得杯落!Check吓啲app, 喂正啊!!! 估唔到原來, 臨撻落地之前部衰嘢仲唔覺意咁捕捉到我嗰神態同情緒. 冇得頂! 心裡啲粗口即刻冇咁粗 🙂
我諗其實我部電話...好art. 應該係想自己唏噓感十足. 所以逼我搞到佢咁傷痕累累. 藝術家情緒, 我識條腸咩.
嗯. 依家識啦🙂🙂
然後我就寫咗呢片嘢, 紀念返呢嗰咁有意義嘅一刻. 真係520快樂. 如果以後, 唔使撻都可以影到靚相就好啦 🙂🙂🙂
If you dun un ge wa, I said, these are accidental selfies, taken before my phone took a plunge for solemn hell. Hai gum
#從來都未寫過咁長嘅caption
#有冇人讀曬
#唔好捉我錯字啦喂啊人哋心情未平復㗎嗎
#由呢刻開始
#我部電話改名撻文西
#我係唔會捨棄撻文西㗎
Search